Структура сайта
Календарь событий
Сентябрь 2018
Пн Вт Ср Чт Пт Сб Вс
« Авг    
 12
3456789
10111213141516
17181920212223
24252627282930
Статистика посещения сайта
Flag Counter

встреча с Савельевым -САС_1встреча с Савельевым_САС_2встреча с Савельевым-САС_3Раштав уйăхěн 25 – мěшěнче вĕренекенсемпе вĕрентекенсем прозăллă хайлавсен авторĕпе, чăваш поэзийĕн çутă çăлтăрĕпе – Александр Сергеевич Савельев — САСпа тĕл пулчěç. Хаваслă тěл пулу ятарласа хатěрленě сценари тăрăх иртрě. Уявра Савельев – САС çырнă сăвăсене ачасем пăхмасăр каласа пачěç, унăн сăввисем тăрăх композиторсем кĕвĕлленĕ çепĕç те пысăк туйăмлă юрăсене шăрантарчěç, кулăшла калавсем тăрăх сценкăсем те лартрěç, илемлě чăваш кěпи тăхăннă хěрсем чăваш ташши ташласа кăтартрěç. Пушкăрт поэчě çырнă, А.С.Савельев – САС чăвашла куçарнă  «Унтанпала вăхăт чылай шурĕ…» сăвва 7-мěш класс хěр ачи Никитина Ольга пăхмасăр вуласа пани пурин кăмăлне те кайрě. Çак сăвăпа Оля республика шайěнче иртнě  «Назаров вулавěсем» ăслăлăхпа наука конференцийěнче те призер пулса тăчě.

     Шкул ачисем аслă ентешĕмĕре тĕрлĕ ыйтусем пачĕç, унăн хайлавĕсенчи геройсемпе те, хăйĕн кун-çулĕпе те кăсăкланчĕç. Ачасен кашни ыйтăвĕ çинех тулли хурав тупăнчĕ  Александр Сергеевичăн. Тĕл пулу ытларах кĕçĕннисене савăнтарчĕ.Чăн-чăн чěрě  писательпе куçа-куçăн тĕл пулса калаçма пурне те тÿр килмест-çке.

     Александр Сергеевич хăнана пушă алăпа килмен. Çыравçă кашни сăвă калакан ачана, юрă юрлакансене кĕнекесем парнелерĕ. Шкул библиотекине те манса хăвармарĕ: “манран асăнмалăх пултăр, кашни вĕренекен вулатăр ”, — терĕ кěнеке парнелесе.

    Çак телейлĕ самантсене асра хăвармалăх юратнă писательпе юнашар тăрсах сăн  ÿкерттерчĕç шкул ачисем.

         Çыравçă ачасене лайăх вĕренме, тÿрĕ кăмăллă, вăйлă та хастар пулма вĕрентрĕ. Унăн сăввисем вара пурне те тăван чěлхене юратма, хисеплеме  хавхалантараççě. Уяв вăхăтěнче ытахальтен мар пысăк плакат çине çырса хунă çак йěркесем тěп вырăн йышăнса тăчěç:

   «Кала, юлташ, мĕн хаклă саншăн

   Хальхи пуян çак тĕнчере?» —

   Тесе ыйтсан, сывламăп ассăн,

   Эп калăп пат:

   ТĂВАН ЧĔЛХЕ!

                      (А.С.Савельев-САС)

 Вулаканăн чун-чĕринче ырă çимĕç ÿстерме пулăшакан çĕнĕрен те çĕнĕ хайлавсем калăплама хавхалану тата вăй-хал сунар ентешĕмĕре, сывлăх, вăрăм ěмěр сунар.

Н.М.Глухов

шкул директорě

Добавить комментарий

Ваш e-mail не будет опубликован. Обязательные поля помечены *

Версия для слабовидящих
Полезные отсылки

Сайт Министерства образования и науки Российской Федерации Сайт Рособрнадзора Федеральный портал «Российское образование» Информационная система «Единое окно доступа к образовательным ресурсам» Единая коллекция цифровых образовательных ресурсов Федеральный центр информационно-образовательных ресурсов Федеральный институт педагогических измерений Официальный информационный портал ЕГЭ Официальный информационный портал ГИА (ОГЭ) Сайт Министерства образования Республики Башкортостан Сайт Обрнадзора РБ Сайт института развития образования РБ Центр мониторинга и сопровождения государственной итоговой аттестации ИРО РБ Сайт МР Аургазинский район Сайт МКУ Отдел образования Адм. МР Аургазинский район Сайт Государственные услуги Портал "Персональные данные. Дети" Сайт Консультант-плюс

Министерство образования и науки Российской Федерации

 

страница Министерства образования Республики Башкортостан в социальной сети "В контакте"