Структура сайта
Календарь событий
Февраль 2018
Пн Вт Ср Чт Пт Сб Вс
« Янв    
 1234
567891011
12131415161718
19202122232425
262728  
Статистика посещения сайта
Flag Counter

Родные языки

выступление "Сарби"«Пирĕн çĕр чăмăрĕ – вилĕмсĕр кайăк» программăпа 01.12.2018 ç.  Çтерлĕри чăваш эстрадипе фольклор ансамблĕн «Сарпи» профессионаллă артисчĕсем ачасене çĕнĕлле урок – концертпа  илĕртрĕç. Çĕр пин тарăн шухăшлă та ăс-тăна тыткăнлакан хÿхĕм юрăсемпе савăнтарчĕç, илемлĕ ташăсемпе куракансен кăмăлĕсене çĕклерĕç, чăваш халăхĕн капăр тумĕпе паллаштарчĕç. Ятарласа шкул валли хатĕрленĕ программăра экологин кăткăс ыйтăвĕсене тĕпе хурса  хатĕрленĕ презентаци ачасен тавра – курăмне, пĕлĕвне çирĕплетме пулăшрĕ. Çаплах сарписем ачасене пирĕн çĕр чăмăрĕ çинчи тĕрлĕ ÿсен – тăран, вĕçен – кайăк йышĕсемпе тĕсĕсем çинчен каларĕç, вĕсен вырăсла тата чăвашла ячĕсемпе паллаштарчĕç. 45 минут хушшинче профессионаллă артистсем шкулти  верентÿ программин темиçе предметне çыхăнтарса пама ĕлкĕрчĕç. Урок – концерт пур вĕренекенĕн те кăмăлне кайрĕ.

грамота_НПК-2018_1фото_НПК-2018_1По итогам участия в 19-й районной научно-практической конференции школьников «Старт в науку» учащийся 9 класса Яковлев Н. (руководитель Германов В.Г.) занял первое место в секции «Физика», учащаяся 10 класса Алексеева Н. (руководитель Глухов Н.М.) — второе место в секции «Чувашский язык и литература». Также Яковлев Н. принял участие в работе секции «Биология». Поздравляем ребят и их наставников.

встреча с Савельевым -САС_1встреча с Савельевым_САС_2встреча с Савельевым-САС_3Раштав уйăхěн 25 – мěшěнче вĕренекенсемпе вĕрентекенсем прозăллă хайлавсен авторĕпе, чăваш поэзийĕн çутă çăлтăрĕпе – Александр Сергеевич Савельев — САСпа тĕл пулчěç. Хаваслă тěл пулу ятарласа хатěрленě сценари тăрăх иртрě. Уявра Савельев – САС çырнă сăвăсене ачасем пăхмасăр каласа пачěç, унăн сăввисем тăрăх композиторсем кĕвĕлленĕ çепĕç те пысăк туйăмлă юрăсене шăрантарчěç, кулăшла калавсем тăрăх сценкăсем те лартрěç, илемлě чăваш кěпи тăхăннă хěрсем чăваш ташши ташласа кăтартрěç. Пушкăрт поэчě çырнă, А.С.Савельев – САС чăвашла куçарнă  «Унтанпала вăхăт чылай шурĕ…» сăвва 7-мěш класс хěр ачи Никитина Ольга пăхмасăр вуласа пани пурин кăмăлне те кайрě. Çак сăвăпа Оля республика шайěнче иртнě  «Назаров вулавěсем» ăслăлăхпа наука конференцийěнче те призер пулса тăчě.

     Шкул ачисем аслă ентешĕмĕре тĕрлĕ ыйтусем пачĕç, унăн хайлавĕсенчи геройсемпе те, хăйĕн кун-çулĕпе те кăсăкланчĕç. Ачасен кашни ыйтăвĕ çинех тулли хурав тупăнчĕ  Александр Сергеевичăн. Тĕл пулу ытларах кĕçĕннисене савăнтарчĕ.Чăн-чăн чěрě  писательпе куçа-куçăн тĕл пулса калаçма пурне те тÿр килмест-çке.

     Александр Сергеевич хăнана пушă алăпа килмен. Çыравçă кашни сăвă калакан ачана, юрă юрлакансене кĕнекесем парнелерĕ. Шкул библиотекине те манса хăвармарĕ: “манран асăнмалăх пултăр, кашни вĕренекен вулатăр ”, — терĕ кěнеке парнелесе.

    Çак телейлĕ самантсене асра хăвармалăх юратнă писательпе юнашар тăрсах сăн  ÿкерттерчĕç шкул ачисем.

         Çыравçă ачасене лайăх вĕренме, тÿрĕ кăмăллă, вăйлă та хастар пулма вĕрентрĕ. Унăн сăввисем вара пурне те тăван чěлхене юратма, хисеплеме  хавхалантараççě. Уяв вăхăтěнче ытахальтен мар пысăк плакат çине çырса хунă çак йěркесем тěп вырăн йышăнса тăчěç:

   «Кала, юлташ, мĕн хаклă саншăн

   Хальхи пуян çак тĕнчере?» —

   Тесе ыйтсан, сывламăп ассăн,

   Эп калăп пат:

   ТĂВАН ЧĔЛХЕ!

                      (А.С.Савельев-САС)

 Вулаканăн чун-чĕринче ырă çимĕç ÿстерме пулăшакан çĕнĕрен те çĕнĕ хайлавсем калăплама хавхалану тата вăй-хал сунар ентешĕмĕре, сывлăх, вăрăм ěмěр сунар.

Н.М.Глухов

шкул директорě

Версия для слабовидящих
Полезные отсылки